【明報專訊】花生、薯片伴啤酒永遠是睇波最佳拍檔，但勿輕視其增磅威力。有年約30歲港男，在上屆世界盃期間晚晚一邊睇波一邊剝花生送啤酒，偶爾以杯麵醫肚，兩周後體重激增12磅，註冊營養師提醒市民，捱夜睡眠不足，會影響荷爾蒙分泌增加食慾，故挑選小吃時要嚴謹，盡量選高纖、低卡、低脂、低糖食物。
青年歎啤酒睇波 2周重12磅
中大營養研究中心經理兼營養師史曼媚說，該名睇波增磅男子本身只有少少肚腩仔，但經過連夜睇波後發現體重大增，急忙找營養師幫手調節體重。她說，單是一罐啤酒配一小碟花生，已有約600千卡熱量，更何况男士們飲啤酒甚少只飲一罐，尤其與友人往酒吧睇波往往「一打打上」，難以節制，額外攝取熱量之多可想而知。
她解釋，在正常作息下，肝臟晚上要休息排毒，晚晚捱夜加上飲酒，肝臟更傷上加傷，所以飲料最好選低糖或無糖茶類，既提神也下火。衛生署亦提醒球迷盡量只在肚餓時才吃小食，飲料可選無糖蔬果汁，少吃高卡及高脂果仁。事實上，單是一罐啤酒、一個杯麵、一小包薯片、一小碗2安士花生，熱量就有153千卡、440千卡、160千卡和320千卡。
骨科專科醫生高拔萃亦指出，市民睇波時不注意坐姿，或在牀邊「睇下瞓下」，或伏在電腦枱前觀賽，易增肌肉勞損，甚至影響神經線，上屆世盃期間肩頸痛、腰痛求診個案也顯著增加，籲球迷在半場休息時，也應做些伸展運動，最好不要晚晚捱夜，應重點選看賽事。 |
發表於 2010-6-12 01:38
| 