其實已經係早排嘅事啦。
話說我上個星期帶棋棋(我隻狗)去參加人狗同樂百萬行，
因為聽講嗰日會幾凍，
所以預早就去買定件羽絨背心，
諗住第一可以保暖，
第二又唔會太擁腫阻住我拖狗。
跟住又買埋一條防寒褲，
一定唔會凍親。
點知........
事隔不足一星期，
我再去嗰間舖度，
見到件衫已經做緊特價，
平咗成150大元呀~~~~
連條褲都平咗百幾蚊添呀......
咁都算，
到咗去行嗰日，
居然係個大晴天兼有起碼成十六、七度，
結果著咗成身禦寒衫嘅我，
熱到出一身汗仲生埋熱痱添......
PS.
因為嗰日得我自己一個帶狗去，
又要孭住自己同棋棋D嘢，
又要孭埋佢個狗袋，
已經冇咁得閒去理D衫，
所以熱死都只可以全部著晒上身。 |
發表於 2012-1-15 18:42
| 
